U stalicy nočču 22 śniežnia kala 00:20 uvahu supracoŭnikaŭ DAI pryciahnuła Audi, jakaja ruchałasia ŭ dvary doma № 10 na vuł. Haradzieckaj, paviedamili ŭ staličnaj Dziaržaŭtainśpiekcyi.
Pravaachoŭniki vyrašyli pravieryć fizičny stan kiroŭcy lehkavika, ale jon ihnaravaŭ patrabavańni ab spynieńni. Zajechaŭšy ŭ tupikovy prajezd, kiroŭca i pasažyr Audi vyjšli z transpartu i pasprabavali ŭciačy. U hety čas aŭtamabil adkaciŭsia nazad i ŭrezaŭsia ŭ słužbovuju mašynu.
Kiroŭcu znajšli doma ŭ pryjaciela. Vynik miedycynskaha ahladu pakazaŭ 0,82 pramile. Viadoma, što ŭ 19-hadovaha minčuka nikoli nie było paśviedčańnia kiroŭcy. U dačynieńni da jaho ŭ vyniku składzienyja čatyry pratakoły ab administracyjnych pravaparušeńniach.
0
0
0
0
0
0
