Wikipedia Commons
27 śniežnia ŭ krainach Jeŭrasajuza pačynajecca vakcynacyja ad kavidu vakcynaj BioNTech/Pfizer. Jana startuje adnačasova va ŭsich dziaržavach, vialikich i małych, bahatych i biadniejšych. Heta było pryncypovaje rašeńnie Niamieččyny, jakaja mahła b zabiaśpiečyć sabie bolš vakcyny adrazu, ale vyrašyła raźmiarkoŭvać vakcynu pa ŭsim Jeŭrasajuzie.
Varta adznačyć, što niamiecka-amierykanskaja BioNTech/Pfizer prajšła ŭsie naležnyja vyprabavańni i, u adroźnieńnie ad rasijskaj Sputnik V, nadajecca dla vakcynavańnia starejšych ludziej.
Najbolš chutka idzie vakcynacyja ŭ ZŠA. Da kanca sakavika amierykancy majuć atrymać 100 młn doz vakcyny, a Jeŭrasajuz ź jaho ŭ paŭtara razy bolšym nasielnictvam — tolki kala 60 młn doz.
Adstavańnie Jeŭrasajuza ŭ vakcynacyi ad ZŠA, Kanady, Brytanii i Japonii tłumačycca pravałam vyprabavańniaŭ vakcyny francuzskaj kampanii Sanofi, na jakuju ŭ ES uskładali spadziavańni.
Kab spynić pandemiju, treba vakcynavać 60% nasielnictva. Dla farmiravańnia imunitetu kožnamu čałavieku vakcynu koluć dva razy.
