Učora zatrymali dziciačaha piśmieńnika, byłoha redaktara «Biarozki» Uładzimira Jahoŭdzika.
Abstaviny zatrymańnia nieviadomyja. «Jon vyjšaŭ z domu z batonam, kab pakarmić ptušak na rečcy», — napisaŭ u fejsbuku mastak Pavał Tatarnikaŭ.
63-hadovy piśmieńnik pravioŭ noč u Centralnym RUUSie. Znajomyja šukajuć śviedak zatrymańnia.
***
Uładzimir Jahoŭdzik naradziŭsia 14 lutaha 1956, vioska Kastrovičy, Słonimski rajon, Hrodzienskaja vobłaść — prazaik, dramaturh. Łaŭreat Litaraturnaj premii Janki Maŭra (1994).
Naradziŭsia ŭ sialanskaj siamji. Vučyŭsia ŭ Dziatłaŭskaj, Słonimskaj, Zelvienskaj škołach-internatach, u 1978 h. skončyŭ fiłałahičny fakultet Biełaruskaha dziaržaŭnaha ŭniviersiteta. U 1978—1982 hh. pracavaŭ karespandentam Bresckaj abłasnoj haziety «Zaria», redaktaram Bresckaj abłasnoj studyi telebačańnia. U 1982—1990 hh. — supracoŭnik štotydniovika «Litaratura i mastactva». U 1990—2010 redaktar hałoŭny redaktar časopisa «Dzieci i my». Adnačasova ŭ 1997—2003 hadach — hałoŭny redaktar časopisa «Biarozka».
