Fota Nadziei Bužan
3 studzienia Mitrapalit Minska-Mahiloŭski arcybiskup Tadevuš Kandrusievič budzie adznačać svajo 75-hodździe.
Śviatkavańnie jubileju pieranosicca na paźniejšy čas, ale ŭ hety dzień u Minskaj archikafiedry, što na płoščy Svabody, arcybiskup budzie celebravać Imšu ŭ 11.30 i 13.00, paviedamlaje catholic.by.
«Čas niaŭmolna idzie napierad, i 3 studzienia 2021 h., kali Boh dazvolić, budu adznačać jubilej 75-hodździa. Znachodziačysia za miažoj čatyry miesiacy i nie budučy ŭpeŭnieny ŭ tym, kali viarnusia, zahadzia nie płanavaŭ admysłovych uračystaściaŭ. Svaje karektyvy ŭ arhanizacyju i praviadzieńnie relihijnych mierapryjemstvaŭ unosić taksama i pandemija karanavirusa. U suviazi z hetym jubilejnyja ŭračystaści pieranosiacca na paźniejšy i bolš prydatny čas, ab čym budzie paviedamlena dadatkova.
Adnak 3 studzienia ŭ minskaj kafiedry budu celebravać dźvie śviatyja Imšy ŭ 11.30 i ŭ 13.00, kab padziakavać Bohu za pražyty čas i tyja šmatlikija łaski, jakimi Jon mianie adorvaje.
Sardečna zaprašaju na hetyja nabaženstvy viernikaŭ. Tych, chto nie zmoža, prašu ab malitvie ŭ svaich kaściołach i damach», — havorycca ŭ zvarocie arcybiskupa.
