Delfi.lt
«Palityki i kiraŭniki krainy, byłyja kiraŭniki pavinny pakazać prykład, pavinny pakazać, što jany daviarajuć vakcynie ad karanavirusa, navucy i hetamu adkryćciu ŭ baraćbie z pandemijaj», — skazała ŭ pieradačy «Tema dnia» na LRT eks-prezident Litvy Dala Hrybaŭskajcie, piša Delfi.
Jana skazała, što i sama hatovaja zrabić pryščepku, navat publična. «Viadoma, jak tolki mianie zaprosiać, kali ja traplu ŭ niejkuju hrupu, z zadavalnieńniem, navat kali spatrebicca, ja hatovaja zrabić pryščepku publična», — zaŭvažyła Hrybaŭskajcie.
Litva na hety momant atrymała dźvie partyi vakcyny BioNTech i Pfizer, usiaho — 20 475 doz. Zaraz čakajuć pastupleńnia treciaj partyi. U Litvie ŭ pieršuju čarhu pryščaplajuć daktaroŭ, jakija pracujuć z chvorymi na karanavirus pacyjentami.
