Alaksandr Łukašenka ŭ Rastvo zapaliŭ śviečku ŭ minskim chramie Uzvyšeńnia Kryža Haspodniaha, što na vulicy Cimirazieva, piša BiełTA.
«Heta śvietłaje, dobraje śviata. Usie my čakajem ad jaho nie tolki dabra, ale i cudaŭ. Asablivaść takich, maich lubimych, śviataŭ zaklučajecca ŭ tym, što kožny z nas, kožny čałaviek idzie svajoj darohaj da svajho chrama. Heta toj najvialikšy zdabytak, jaki my z vami majem», — adznačyŭ Łukašenka.
Źleva — mitrapalit BPC Vienijamin. Fota Puł pieršaha
Chram byŭ pabudavany ŭ 2020 hodzie na vulicy Cimirazieva. Jon uvachodzić u architekturny kompleks, jaki ŭklučaje ŭ siabie ŭvachodnyja bramu sa zvanicaj, carkoŭna-prychodski dom ź niadzielnaj škołaj i muziejem podźvihu savieckich vajennapałonnych — viaźniaŭ Štałaha-352.
Novy chram miažuje ź miemaryjalnym kompleksam «Masiukoŭščynski łahier śmierci», dzie pachavanyja bolš za 80 tysiač vajennapałonnych i mirnych hramadzian, zakatavanych nacystami ŭ kancłahiery.
