Pa słovach dźviuch krynic «Kommiersanta», paśla pierachodu na pasadu namieśnika dyrektara FSVTS Babiču moža być prysvojena voinskaje zvańnie hienierał-majora. Adzin z surazmoŭcaŭ vydańnia adznačaje, što «faktyčna novaja pasada znachodzicca na styku dypłamatyčnaha, ekanamičnaha i siłavoha napramkaŭ, na jakich raniej i pracavaŭ spadar Babič».
Babiču 51 hod, jon byŭ staršynioj urada Čačni (listapad 2002-ha — luty 2003 hoda), paŭnamocnym pradstaŭnikom prezidenta ŭ Pryvołžskaj fiederalnaj akruzie (śniežań 2011-ha — žnivień 2018 hoda), paśla čaho byŭ pryznačany nadzvyčajnym i paŭnamocnym pasłom, a taksama śpiecpradstaŭnikom Pucina pa raźvićci handlova-ekanamičnaha supracoŭnictva ź Biełaruśsiu.
U kancy krasavika 2019 hoda prezident Uładzimir Pucin vyzvaliŭ jaho ad dypłamatyčnaj pasady.
Zatym Babiča pryznačyli namieśnikam kiraŭnika Ministerstva ekanamičnaha raźvićcia, jaki adkazvaje za ŭzajemadziejańnie z SND i pytańni, źviazanyja z Sajuznaj dziaržavaj Rasii i Biełarusi.
