«Biełaruśkalij» paabiacaŭ źniać dyscyplinarnyja spahnańni z rabotnikaŭ i ŭziać nazad zvolnienych.
«Biełaruśkalij» hatovy ŭzajemadziejničać z narviežskaj kampanijaj Yara na doŭhaterminovaj asnovie ŭ halinie pramysłovaj biaśpieki i pryniać śpiecyjalistaŭ kampanii dla manitorynhu vytvorčych pracesaŭ. Akramia taho, zvolnienyja raniej rabotniki mohuć znoŭ być pryniatyja na pracu, kali padaduć zajavy.
Strajkam «Biełaruśkalija» adkazaŭ kiraŭnictvu pradpryjemstva.
U stačkamie «Biełaruśkalija» adreahavali na abiacańnie pradpryjemstva źniać dyscyplinarnyja spahnańni z rabotnikaŭ i pryniać zvolnienych nazad. U stačkamie zajavili, što nie źbirajucca vieści nijakich pieramoŭ z kiraŭnictvam pradpryjemstva.
Cichanoŭskaja prosić ES prafinansavać vakcynacyju biełarusaŭ ad kavidu.
«Ciaham apošnich tydniaŭ my praviali sieryju kansultacyj z pradstaŭnikami Jeŭrakamisii, pa vynikach jakich Śviatłana Cichanoŭskaja źviarnułasia z prośbaj paspryjać praviadzieńniu ahulnanacyjanalnaj kampanii vakcynacyi biełarusaŭ. Takaja kampanija mahła b vyratavać tysiačy žyćciaŭ biełarusaŭ i spynić raspaŭsiud infiekcyi», — kaža daradca Śviatłany Cichanoŭskaj Franak Viačorka.
Cichanoŭskaja zaklikała padtrymać pašyreńnie sankcyj, dadaŭšy ŭ śpisy supracoŭnikaŭ AMAP i HUBAZiK, sudździaŭ i biznesoŭcaŭ, jakija padtrymlivajuć režym. Mikałaj Karpiankoŭ užo znachodzicca ŭ estonskim śpisie.
U Maskvie zatrymany bajec MMA Alaksiej Kudzin, jaki adpraviŭ u nakaŭt siłavika ŭ Maładziečnie
U Maskvie zatrymany bajec Alaksiej Kudzin. Jaho čakaje ekstradycyja ŭ Biełaruś. Čempijon śvietu pa kikboksinhu i tajskim boksie Alaksiej Kudzin braŭ udzieł u žnivieńskich pratestach u Maładziečnie, u jakim žyvie.
U roznych rajonach Minska i Oršy prapała haračaja vada i aciapleńnie.
Prablemy z aciapleńniem uźnikli ŭ Malinaŭcy, Michałova, vulicy Alšeŭskaha. Paviedamlajecca taksama ab prablemach ź ciapłom u niekalkich mikrarajonach Oršy.