Na čarhovaj sustrečy ź dziaržsakratarom MZS Mihielem Bierhieram Pavieł Łatuška abmierkavaŭ padychody da pryniaćcia 4-ha pakieta sankcyj ES suprać režymu Łukašenki, padtrymku niezaležnych ŚMI Biełarusi. Bierhier prainfarmavaŭ ab tym, što Hiermanija vystupić ź inicyjatyvaj stvareńnia mižnarodnaha miechanizmu kryminalnaha pieraśledu asob, vinavatych u złačynstvach i parušeńni pravoŭ čałavieka ŭ Biełarusi. Asobnuju ŭvahu Pavieł Łatuška i Mihiel Bierhier nadali acency situacyi ŭ Biełarusi ŭ kantekście stasunkaŭ z Rasijaj.
Padčas sustrečy ź Michaelem Charmsam, dyrektaram Uschodniaj biznes-asacyjacyi, udzielniki abmierkavali ekanamičnaje supracoŭnictva paśla tranśfieru ŭłady i pačatku budaŭnictva novaj Biełarusi. Niamiecki bok prainfarmavaŭ ab tym, što praktyčna zavieršana pryniaćcie zakona, pa jakim kampanii Hiermanii nie zmohuć pracavać z zamiežnymi pradpryjemstvami, dzie parušajuć pravy čałavieka. Hety padychod niepasredna zakranie adpaviednyja pradpryjemstvy Biełarusi, kiraŭnictva jakich parušaje pravy čałavieka.
Pavieł Łatuška sustreŭsia z Matyjasam Lutenbierham, kiraŭnikom słužby dvuchbakovych adnosin ź dziaržavami Uschodniaj Jeŭropy ŭ viedamstvie kanclera Hiermanii, a taksama —- ź Jochanam Vadefulem, deputatam parłamienta Bundestaha, namieśnikam kiraŭnika kirujučaj frakcyi Chryścijanska-demakratyčnaha sajuza ŭ parłamiencie Hiermanii.
