Na sudzie ekskursavodka Aksana Mankievič svaju vinu pa art. 23.34 KaAP va ŭdziele ŭ masavym mierapryjemstvie nie pryznała i chadajničała pra zapyt videa z kamier nazirańnia, kab dakazać, što jana viała ekskursiju, paviedamlaje «Novy čas» sa spasyłkaj na pravaabaroncaŭ.
Sudździa Natalla Buhuk adchiliła hetaje chadajnictva. Aksana raspaviała, što jašče ŭ pačatku ekskursii na pr. Niezaležnaści źjavilisia busy i zatrymali 7 čałaviek z ekskursii. Sudździa Buhuk pryznała Mankievič vinavataj i asudziła na 15 sutak.
Jašče adnu ŭdzielnicu ekskursii Juliju Bažkovu aštrafavali na 870 rubloŭ (30 bazavych), bo ŭ Julii jość 11-hadovaje dzicia.
Jurystka Kaciaryna Biassonava hetak ža chadajničała ab zapycie videa z kamier nazirańnia, ale joj taksama było admoŭlena. Sudździa Buhuk začytała piśmovyja materyjały spravy, u jakich byli skrynšoty z «zaklikami va ŭdziele ŭ repietycyjnym maršy pierad UNS». Julija aburyłasia i spytała, jak heta tyčycca jaje zatrymańnia, na što sudździa adkazała, što «tut tolki sud moža zadavać pytańni».
Skrynšoty z «zaklikami» prykłali da spraŭ usich udzielnikaŭ ekskursii. U vyniku Biassonava adpraviłasia na 15 sutak pa rašeńni suda.
