Ihara Povarava asudzili na try hady kalonii, Alaksandra Babrova i Jaŭhiena Hovara — na dva z pałovaj hady kalonii.
Vyrak vynies sudździa Jaŭhien Jerafiejeŭ. Dziaržaŭny abvinavaŭca Andrej Anoška patrabavaŭ dla padsudnych pa 3 hady pazbaŭleńnia voli kožnamu.
Rabotnikaŭ Biełaruskaha metalurhičnaha zavodu Ihara Povarava, Alaksandra Babrova i Jaŭhiena Hovara sudzili za padziei 17 žniŭnia, kali jany sprabavali pačać strajk. Tady spyniłasia praca ŭsich troch piečaŭ na pradpryjemstvie.
Na znak pratestu suprać falsyfikacyi vybaraŭ i milicejskaha hvałtu jany razam ź inšymi pracaŭnikami pierakryli darohu dla technalahičnaha transpartu na zavodzie.
Na sustrečy z pracoŭnymi 17 žniŭnia kiraŭnictva abiacała, što nikoha nia budzie karać. Ale paźniej Śledčy kamitet zavioŭ kryminalnuju spravu za «arhanizacyju i praviadzieńnie niezakonnych hrupavych dziejańniaŭ, jakija hruba parušajuć hramadzki paradak i spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady» (artykuł 342 Kryminalnaha kodeksu).
Kryminalnuju spravu ŭ dačynieńni jašče adnaho rabočaha — Paŭła Mahidava — vyłučyli ŭ asobnuju vytvorčaść. Hramadzianin Rasiei vymušana źjechaŭ za miažu.
