Jon skazaŭ, što braŭ udzieł u vybarčaj kampanii na inšym baku, zmahaŭsia za ŭładu, ale ciapier apazicyja pavinna pryznać svaju parazu i spynicca. «Ivan Stanisłavavič [Cierciel] nie daść schłusić!», — skazaŭ jon.
Taksama Vaskrasienski prapanavaŭ nazvać adnu z płoščaŭ ci praśpiektaŭ Minska ŭ honar Rasii, jakaja akazała i akazvaje Biełarusi padtrymku.
«Liču nieabchodnym pastavić pytańnie ab pierajmienavańni adnaho z praśpiektaŭ ci płoščaŭ stalicy ŭ honar Rasii, a to Banhałor jość, a Rasii niama».
Taksama jon skazaŭ nastupnaje: «A vam, Alaksandr Ryhoravič, chaču padziakavać za vysoki davier, akazany mnie na kruhłym stale ŭ SIZA KDB».
Vaskrasienski ahučyŭ prapanovu palityčnaj amnistyi. Praŭda, słova palitviaźni tak i nie skazaŭ. Taksama jon prapanavaŭ viarnuć u sistemu raspaŭsiuda hazietu «Kamsamolskuju praŭdu» i inšyja niezaležnyja ŚMI.
