Archiŭnaje fota Jaŭhienija Jerčaka, Tut.by
Uładzimir Makiej u intervju zaznačyŭ, što «peŭnaja častka pradstaŭnikoŭ voś hetych pakaleńniaŭ X, Y, Z [maładych ludziej] vychavana całkam na zachodniaj kultury, na infarmacyi, zapazyčanaj ź internetu, z sacyjalnych sietak, na zachodnich aŭtamabilach, na dyzajnie i h.d».
«Hety ŭpłyŭ nie spynicca, a budzie praciahvacca. Viadoma ž, ułady, kiraŭnictva Biełarusi pavinny ŭličvać hety momant. Što jašče vielmi važna, jak mnie zdajecca, što praź cisk my nie prymusim moładź źmianić svoj punkt hledžańnia. Moładź treba pierakanać. Dla taho kab pierakanać, treba pakazać, jak mnie zdajecca, kankretnyja mahčymaści i pierśpiektyvy dla samarealizacyi, dla patencyjału taho ci inšaha čałavieka. Voś heta vielmi važna».
— Z vystupleńniaŭ na Usiebiełaruskim narodnym schodzie nie skłałasia ŭražańnie, što z zhadanymi vami pakaleńniami chtości maje namier razmaŭlać. Hučali ad vašych kalehaŭ, ad kiraŭnika KDB farmuloŭki pra pamahatych fašystaŭ, jakich treba šukać pa ŭsioj Jeŭropie. Zdałosia, što kali chtości z čymści nie zhodny, to ŭłady płanujuć prymušać, a nie razmaŭlać.
— Nie, ja, naadvarot, vynies z dakładu prezidenta Łukašenki pasył ab tym, što jak raz treba pracavać ź imi. Toje, što naviešvajucca jarłyki, heta nie vielmi dobra, nie ŭłada vinavataja ŭ hetym. Ale, ź inšaha boku, jak być, kali tyja, chto nazyvaje siabie demakratami, pavodziać siabie absalutna z dakładnaściu da naadvarot. Ja ŭčora [11 lutaha padčas UNS] pryvodziŭ prykłady taho, što adkrytyja pahrozy i zapałochvańni razdajucca ŭ adras dziaržsłužboŭcaŭ, vajskoŭcaŭ, supracoŭnikaŭ pravaachoŭnych orhanaŭ, členaŭ siemjaŭ i h.d.
Maja siamja asabista sutyknułasia z hetym. Litaralna paśla ŭčorašniaha majho vystupu majoj žoncy pryjšło pad sotniu zvankoŭ, sms, paviedamleńniaŭ u instahramie i ŭ fejsbuku. Napramiły boh, heta na ich sumleńni. Ja liču, što hetyja mietady absalutna niesumiaščalnyja ź mietadami sapraŭdnaj demakratyi. Ja nazyvaju heta demakratyjaj, jakaja fašystuje. Ja pierakanany, što heta tak i jość. U pryncypie, važna było b admovicca ad naviešvańnia jarłykoŭ.
Uładzimir Makiej na UNS vykazaŭsia pra «biehłych škodnikaŭ», admovu ad niejtralitetu i bolšy handal z Rasijaj
