Hrupa apublikavała statystyku, jakaja paćviardžaje vialikuju śmiarotnaść novaha štamu. Usiaho ŭ spravazdačy sabranyja danyja ad dzieviaci navukova-daśledčych miedycynskich arhanizacyj.
Tak, pavodle Łondanskaj škoły hihijeny i trapičnaj miedycyny, u zaražanych novym štamam karanavirusa imaviernaść śmierci ŭ 1,58 — 1,71 raza bolšaja, čym u tych, chto zaraziŭsia «zvyčajnym» SARS-CoV-2. Łondanski Impierski kaledž acaniŭ śmiarotnaść ad «brytanskaha» štamu ŭ 1,29 — 1,36 raza vyšej, univiersitet Eksiecier — u 1,7 raza.
U siarednim ryzyka śmierci pry zaražeńni «brytanskim» štamam karanavirusa vyšejšaja ŭ 1,53 raza.
Najbolš prykmietna adnosnaje pavieličeńnie śmiarotnaści va ŭzrostavaj hrupie 55+ hadoŭ. Siarod ludziej, małodšych za 55, raspaŭsiudžvańnie «brytanskaha» štamu nie akazvaje istotnaha ŭpłyvu na śmiarotnaść.
