Fota CNN
Kampanija abiacaje, što novaja viersija batončyka KitKat V zachavaje «idealny bałans pamiž chrumstkaj vaflaj i šakaładam». Zamiest zvyčajnaha małaka, jakoje było klučavym inhredyjentam šakaładu KitKat, budzie vykarystoŭvacca rysavaje.
Viehanski batončyk źjavicca sioleta spačatku ŭ niekatorych krainach, a paśla jaho buduć raspaŭsiudžvać va ŭsim śviecie, paviedamlaje CNN.
«Smak byŭ klučavym faktaram pry raspracoŭcy šakaładu na raślinnaj asnovie dla našaha novaha viehanskaha KitKat, — śćviardžaje Łuiz Baret, kiraŭnica Technałahičnaha centra kandytarskich vyrabaŭ Nestlé. — My imknulisia stvaryć smačnuju viehanskuju alternatyvu, jakaja b nie sastupała aryhinalnamu KitKat».
Charčavańnie na raślinnaj asnovie stanovicca ŭsio bolš papularnym, i viadomyja charčovyja brendy pačynajuć heta ŭličvać. U 2019 hodzie kampanija Mars zapuściła viehanskuju viersiju svaich šakaładnych batončykaŭ. Inšyja vytvorcy, naprykład, Lindt i Cadbury, niadaŭna pačali vyrablać viehanskija cukierki.
«Adbyvajecca pastupovaja charčovaja revalucyja, jakaja źmianiaje toje, što jaduć ludzi. My imkniomsia padtrymlivać hety praces i pašyrać raznastajnaść raślinnych praduktaŭ», — zajaŭlajuć pradstaŭniki Nestlé.