Hetuju mieru ŭ razmovie z telekanałam «Mir 24» nazvaŭ dyrektar navukovaha centra pa prafiłaktycy i lačeńni virusnych infiekcyj Hieorhij Vikułaŭ, piša lenta.ru.
Pavodle jaho słoŭ, pa vynikach papiarednich epidemij možna kazać, što ŭ ludziej, jakija zarazilisia hetym virusam, dastatkova vysokaja latalnaść.
Raniej viadučy navukovy supracoŭnik Fiederalnaha navukovaha centra daśledavańniaŭ i raspracoŭki imunabijałahičnych preparataŭ imia Čumakova RAN Alaksandra Hambaran acaniła vierahodnaść zaražeńnia ptušynym hrypam u vyniku ŭžyvańnia miasa kurycy. Pa jaje słovach, heta niemahčyma, zarazicca ptušynym hrypam ryzykujuć tolki rabotniki ptuškafierm.
Učora stała viadoma, što siem supracoŭnikaŭ rasijskaj ptuškafabryki, raźmieščanaj u paŭdniovym rehijonie krainy, upieršyniu ŭ śviecie zarazilisia novym štamam — H5N8. Uspyška hrypu siarod pahałoŭja ptušak była zarehistravanaja na pradpryjemstvie ŭ śniežni 2020 hoda. Pa słovach Papovaj, u ciapierašni čas ludzi adčuvajuć siabie dobra, a zachvorvańnie ŭ ich praciakała vielmi lohka.
