Fota «Radyjo Svaboda»
Kiroŭcu aŭtadoma «Krainy dla žyćcia» abvinavačvajuć ŭ arhanizacyi dziejańniaŭ, jakija hruba parušyli hramadski paradak u Hrodnie 29 maja, a taksama ŭ Mahilovie. Padstavaj ža dla zaviadzieńnia spravy stała staraja dymavaja šaška, jakuju Aranovič nibyta zachoŭvaŭ na haryščy doma ŭ svaich baćkoŭ u Starych Darohach. Alaksandr Aranoviču vinu nie pryznaŭ i admoviŭsia ad dačy pakazańniaŭ, jak i padčas śledstva. Spravu razhladaje sudździa Alena Piatrova, piša spring96.org.
Zhodana z abvinavačvańniami, Alaksandr Aranovič z 20 pa 29 maja 2020 hoda «pa papiaredniaj zmovie pryniaŭ udziełam u dziejańniach, jakija hruba parušajuć hramadski paradak u Mahilovie i Hrodnie»: «Dziejničajučy praź internet, jon zaklikaŭ da hrupavych dziejańniaŭ, jakija źviazanyja ź niepadparadkavańniem supracoŭnikam milicyi».
A z 4 maja, natchniŭšysia zaklikami Statkieviča i Sieviarynca, Aranovič dałučyŭsia da aktyvistaŭ «Krainy dla žyćcia».
Sumiesna ź Cichanoŭskim, Furmanavym i inšymi, razam sa Statkievičam, viali destruktyŭnuju ahitacyju, u Hrodnie pad vyhladam vybarčaha pikieta pa zbory podpisaŭ praviali niezakonnaje masavaje mierapryjemstva biez dazvołu orhanaŭ ułady. Aranoviča abvinavačvajuć u tym, što jon pa zmovie z Furmanavym, Knihaj, Raźničenkam, Cichanoŭskim 29 traŭnia prybyŭ u składzie na Savieckuju płošču ŭ Hrodnie na dvuch aŭtobusach i lehkavych aŭtamabilach.
Pa viersii abvinavačvańnia Aranovič «śpiecyjalna apranuŭsia ŭ padobnuju vopratku i dapamahaŭ u niepravamiernych dziejańniach Cichanoŭskamu. U jakaści pravakacyjnaj padstavy hrebliva pavodziŭ siabie da supracoŭnikaŭ milicyi Kazłoŭskaha i Chvaleni. Takim čynam, Alaksandr Aranovič ździejśniŭ złačynstva, praduhledžannaje č. 1 art. 342 Kryminalnaha kodeksa.
Što tyčycca padtrychtoŭki da ŭdziełu da masavych biesparadkaŭ (st. 13 č. 2 art. 293 Kryminalnaha kodeksa), to padstavaj dla hetaha stała staraja dymavaja šaška, jakuju Aranovič nibyta zachoŭvaŭ na haryščy doma ŭ svaich baćkoŭ u Starych Darohach.
«Natchniŭšysia zaklikami Statkieviča i Sieviarynca, nabyŭ dymavuju šašku z metaj pravakacyi i raspalvańnia biasčynstva natoŭpu ŭ horadzie Staryja Darohi. Zachoŭvaŭ šašku na haryščy doma pa miescy rehistracyi i žycharstva. 4 lipienia šaška kanfiskavanaja supracoŭnikami milicyi», — havorycca ŭ abvinavačvańni.
Alaksandr Aranoviču całkam vinu nie pryznaje. Jon skazaŭ, što abvinavačvańnie nieabhruntavanaje i niezrazumiełaje.
Što adbyvajecca na sudzie?
Na dumku dziaržabvinavačvańnia vina Aranoviča paćviardžajecca pakazańniami śviedak, zaklučeńniami ekśpiertyzy. Alaksandr Aranovič u sudzie admoviŭsia ad dačy pakazańniaŭ. U sudzie vyrašyli abviaścić pakazańni Aranoviča, dadzienyja im padčas papiaredniaha śledstva. Prakuror začytaŭ pratakoły dopytu ad 30, 31 traŭnia, 8 lipienia, a taksama za listapad, śniežań. U ich Alaksandr, jak i na sudzie, admaŭlaŭsia ad dačy pakazańniaŭ i nie pryznavaŭ vinu.
Padčas śledstva zapytvalisia, ci znajomy jon ź mietodykaj Džyna Šarpa
Na pieršych dopytach u jaho zaptyvalisia pra telehram-kanał, jaki ŭ Biełarusi pryznany ekstremisckim, pra suviazi ź Cichanoŭskim, Statkievičam, Sieviaryncam, Babarykam, Łosikam, «Narodnaj Hramadoj», a taksama pra Navalnaha. U Alaksandra zapytvalisia, jakaja rola ŭ «Stranie dla žiźni» była ŭ Sakava i Papova. Śledčyja taksama zadavali takija pytańni: «Chto sustrakaŭ kamandu ŭ Hrodnie 29 traŭnia», «Navošta Kniha šukaŭ supracoŭnikaŭ MUS, dla arhanizacyi bojki?», «Kamu vyhadnaja situacyja, kab Furmanaŭ pad vyhladam pikietu arhanizoŭvaŭ niesankcyjanavanaje mierapryjemstva?», «Vaša kamplekcyja padobnaja ź Cichanoŭskim, dla čaho apranulisia, jak jon, chto dapamahaŭ?», «Što viadoma pra aŭtaraŭ łozunhaŭ?», «Jakaja rola strukturaŭ zamiežnych dziaržavaŭ?», «Znajomyja vy ź mietodykaj Džyna Šarpa?», «Z kim prapracoŭvali technałohii kalarovaj revalucyi?», «Što viadoma pra 900 tysiač dalaraŭ, vyjaŭlenych u Cichanoŭskaha?»
Taksama ŭ jaho zapytvalisia pra znajomstva z Uładzimiram Niaronskim, pra toje, adkul uziałasia dymavaja šaška na haryščy doma. Na ŭsie hetyja i inšyja pytańni Aranovič admoviŭsia adkazvać. Alaksandr navat admaŭlaŭsia ad podpisu pratakołaŭ.
