Fox News
Piter byŭ starejšym bratam znakamitaha hanhstara Džona Hoci, jaki ŭznačalvaŭ mafiju Ńju-Jorka da 2002 hoda. Paśla śmierci Džona mafijoznym bosam staŭ Piter, niahledziačy na toje što jon słaviŭsia tarmaznutaściu i mieŭ mianušku «Samy tupy don». Byłyja mafijozi śćviardžajuć, što Piter staŭ chrosnym baćkam nie pa svajoj voli i drenna spraŭlaŭsia z rolaj lidara.
Jaho ličyli zanadta dobrym dla kiraŭnika złačynnaha kłana.
U 2003 hodzie jaho asudzili, i jon pravioŭ za kratami 17 hadoŭ. Da vyzvaleńnia jamu zastavałasia jašče vosiem hadoŭ. Jon pamior 26 lutaha ŭ pałacie Fiederalnaha miedcentra ŭ horadzie Batnier, dzie prachodziŭ lačeńnie. Zhodna sa źviestkami daktaroŭ, mafijozi pamior pa naturalnych pryčynach z-za staraści i słaboha zdaroŭja.
Kłan Hambina ŭtvaryŭsia ŭ 1902 hodzie. Jon uvachodzić u piaciorku najbolš bujnych i ŭpłyvovych kłanaŭ itała-amierykanskaj mafii «Piać siemjaŭ», što kantralujuć arhanizavanuju złačynnaść u Ńju-Jorku. Zony ŭpłyvu raźmiažoŭvajucca na pasiadžeńni śpiecyjalnaha savieta — Kamisii. Hanhstary zajmajucca, aproč inšaha, rekietam vymahalnictvam, lichviarstvam, kradziažom aŭtamabilaŭ, rabavańniami i zakaznymi zabojstvami.
