U viedamstvie rastłumačyli, što pieršy enierhabłok stancyi ŭsio jašče znachodzicca na etapie dośledna-pramysłovaj ekspłuatacyi, jaki praduhledžvaje paśladoŭnaje asvajeńnie mahutnaści reaktarnaj ustanoŭki, heta značyć spačatku enierhabłok uklučajuć na 75%, zatym na 90%, a potym na 100%.
U pieryjad uklučeńnia pieršaha enierhabłoka pravodziacca ŭsie nieabchodnyja vyprabavańni, u tym liku pravierka režymu adklučeńnia ad sietki i płanavaha spynieńnia błoka, adsočvajucca pavodziny reaktarnaj ustanoŭki pry roznych scenarach i h. d.
U Ministerstvie źviartajuć uvahu na toje, što ŭsie hetyja dziejańni ŭ adpaviednaści z rehłamientam zajmajuć peŭny čas.
Pavodle źviestak Minenierha, z 394 zapłanavanych vyprabavańniaŭ etapu dośledna-pramysłovaj ekspłuatacyi na pieršym enierhabłoku stancyi paśpiachova zavieršany 259.
