Palitźniavoleny, kansultant «Radyjo Svaboda», błohier Ihar Łosik abviaściŭ suchuju haładoŭku ŭ čaćvier 11 sakavika na znak pratestu suprać novych abvinavačvańniaŭ. Pa jakim arytykule jany pradjaŭlenyja, pakul nieviadoma. Advakat Ihara Dźmitry Lepretar znachodzicca pad padpiskaj ab nierazhałošvańni i nie moža raskazvać pra heta.
Raniej Ihara ŭžo abvinavačvali ŭ padrychtoŭcy da parušeńnia hramadzkaha paradku i padrychtoŭcy da ŭdziełu ŭ masavych biesparadkach. Paśla apošniaha abvinavačvańnia, vystaŭlenaha ŭ siaredzinie śniežnia, palitviazień trymaŭ haładoŭku pratestu, jakaja praciahvałasia 42 dni.
Akramia abviaščeńnia novaj haładoŭki Ihar Łosik na vačach u śledčaha i svajho advakata paškodziŭ sabie zapiaści ŭ rajonie vienaŭ.
Žonka Ihara Darja Łosik raskazała Svabodzie, što 15 sakavika Ihar spyniŭ suchuju haładoŭku. Ciapier jon znachodzicca ŭ karcary.
«Za toje, što Ihar abviaściŭ suchuju haładoŭku, jaho źmiaścili ŭ karcar na piać dzion, — raskazała Darja. — Haładoŭku Ihar trymaŭ čaćviora sutak. Ciapier jon jašče ŭ karcary. My z advakatam u bližejšyja dni znoŭ pastarajemsia trapić u Žodzina, daviedacca pra stan Ihara bolš».
U čaćvier 11 sakavika Darja vystupiła z adkrytym zvarotam na adras Alaksandra Łukašenki, u jakim zaklikała jaho vyzvalić jaje muža. Spynić novuju haładoŭku Ihara Łosika paprasiła Śviatłana Cichanoŭskaja.
