BYPOL — heta inicyjatyva siłavikoŭ za svabodnyja vybary.
HUBAZiK — heta ŭpraŭleńnie milicyi, jakoje maje zajmacca arhanizavanaj złačynnaściu i karupcyjaj, ale za apošni hod pieraklučyłasia na palityčnyja spravy i stała svajho rodu «tajnaj palityčnaj palicyjaj». Amal štodzionna z roznych haradoŭ krainy prychodziać paviedamleńni pra zatrymańni i pieratrusy, jakija HUBAZiK pravodzić u praciŭnikaŭ Alaksandra Łukašenki. Adnak ad vosieni stała jasna, što znutry samoha HUBAZiKa vyciakaje infarmacyja.
U filmie «Biełaruś-1» pakazali videa pracy HUBAZiKa. Zakadravy hołas rastłumačyŭ: heta videa źjaviłasia ŭ siecivie 28 listapada, «praz dva dni paśla taho, jak staršy opierupaŭnavažany 4-ha adździeła 1-ha ŭpraŭleńnia HUBAZiK Stanisłaŭ Łupanosaŭ źbieh va Ukrainu», cytuje Tut.by.
Načalnik HUBAZiKa Andrej Paršyn zajaviŭ, što padpałkoŭnik zajmaŭsia pieradačaj infarmacyi metanakiravana.
— Źbiraŭ infarmacyju, ni ŭ jakim razie siabie nie vyjaŭlajučy, — tuju, da jakoj mieŭ dostup.
Na dumku Paršyna, šmat u čym infarmacyja, apublikavanaja BYPOL, była pieradadzienaja mienavita Łupanosavym.
— U nas byli ŭžo mahčymyja namiotki na toje, što sa «śviataja śviatych» idzie takaja ŭciečka infarmacyi. I my byli blizkija da taho, kab zadać peŭnyja pytańni niepasredna načalniku supracoŭnika, jaki ździejśniŭ hetyja dziejańni, — raspavioŭ Paršyn.
Pavodle Paršyna, Stanisłaŭ Łupanosaŭ jak śpiecyjalist u IT-śfiery zajmaŭsia raspracoŭkaj Siarhieja Cichanoŭskaha i prajekta «Kraina dla žyćcia».
