catholic.by
Siarod inšaha ijerarch zhadaŭ i situacyju ŭ krainie.
«U siońniašniaj składanaj hramadska-palityčnaj situacyi našaj krainy my, budučy roznymi, nie možam być vorahami adno adnamu, bo my hramadzianie adnoj krainy i źjaŭlajemsia adnym narodam.
Svajoj vielikodnaj tajamnicaj Jezus adnaviŭ Zapaviet Boha z čałaviectvam i pakazaŭ nam šlach da ŭzajemnaha prymireńnia», — zaznačaje Tadevuš Kandrusievič.
«U imia Uvaskresłaha Jezusa my pavinny imknucca da taho, kab siarod nas nie było «pieramožanych» i «pieramožcaŭ», jak kaža śviaty Jan Pavieł II (Vilnia, 4 vieraśnia 1993 h.), ale kab usie byli bratami, jak zaklikaje Papa Francišak u svajoj encyklicy Fratelli tutti — «Usie braty» (hł. FT 1).
Pieramožcam pavinna stać usia Biełaruś,
a heta mahčyma tolki ŭ miłasernym Chryście, jaki nie tolki daruje, ale taksama zahojvaje našyja rany. Vielikodnaja tajamnica Chrysta — heta apahiej Božaj miłasernaści, jakoj my daviarajem siabie i našu Baćkaŭščynu z nadziejaj na jaje ščaślivuju budučyniu», — reziumuje katalicki ijerarch.
