Havorka idzie pra pradpryjemstvy.
- Biełnaftachim;
- Biełnaftachim ZŠA;
- Naftan;
- Biełaruski naftavy handlovy dom;
- Biełšyna;
- Hrodna Azot;
- Hrodnachimvałakno;
- AAT «Łakafarba»;
- AAT «Połack-Škłovałakno».
Abmiežavańni pačnuć dziejničać 27 krasavika, bo termin prypynieńnia sankcyj skančajecca 26-ha.
Hetyja pradpryjemstvy i raniej byli pad sankcyjami, ale ŭ 2015 hodzie ZŠA źniali ich, kab padtrymać niezaležnaść Biełarusi, tamu što na toj momant usie palitviaźni vyjšli na svabodu.
Sankcyi aznačajuć, što pradpryjemstvam i hramadzianam ZŠA zabaroniena ŭstupać u ekanamičnyja i finansavyja stasunki z hetymi arhanizacyjami, a ŭsia ich majomaść i rachunki, jakija znachodziacca na terytoryi ZŠA, buduć zamarožanyja. Mnohija krainy i kampanii admaŭlajucca pracavać z pradpryjemstvami, jakija znachodziacca pad sankcyjami ZŠA.
Padstavaj dla adnaŭleńnia sankcyj stali situacyja ŭ halinie pravoŭ čałavieka i najaŭnaść palitviaźniaŭ u Biełarusi, jakimi pryznali ŭžo 325 čałaviek. Usiaho ž fihurantami palityčna matyvavanych spraŭ u Biełarusi stali ŭžo kala 1000 čałaviek, u tym liku takija apanienty Alaksandra Łukašenki, jak Siarhiej Cichanoŭski — muž Śviatłany Cichanoŭskaj i Viktar Babaryka, a taksama Mikałaj Statkievič i Pavieł Sieviaryniec. U Biełarusi adbyłosia bolš za 34 tysiačy palityčna matyvavanych zatrymańniaŭ.
Aficyjny pradstaŭnik Dziarždepartamienta ZŠA Nied Prajs u zajavie pra namier Vašynhtona adnavić sankcyi asabliva padkreśliŭ, što hetaje rašeńnie reversible, moža być admienienaje, kali ŭłady Biełarusi vyzvalać palityčnych viaźniaŭ i raspačnuć realny dyjałoh sa svaimi palityčnymi praciŭnikami.