Fota Depositphotos.com

Fota Depositphotos.com

Chutka pryjdzie dzień, kali aŭtamabil sam budzie płacić za parkoŭku, a miska dla kotki budzie zamaŭlać korm dla svojskich žyvioł na asnovie analizu ich patreb u charčavańni.

Pakolki ŭsio bolš pryład padklučajucca da internetu, vysokatechnałahičnyja kampanii imknucca navučyć hetyja pryłady samastojna nabyvać i pradavać tavary ad imia karystalnikaŭ bieź ich umiašańnia, piša The Wall Street Journal.

I štości možna nazirać užo siońnia. «Razumnyja» zubnyja ščotki ad Philips mohuć aŭtamatyčna zamaŭlać novyja hałoŭki ščotak, kali ščacińnie znošvajecca. Filtry dla pavietra, raspracavanyja kampanijaj 3M, mohuć sami vyznačać, kali patrabujecca zamiena i zamaŭlać jaje anłajn.

Kolkaść padobnych pryład budzie pašyracca pa miery taho, jak u ich budzie źjaŭlacca dostup da internetu, a technałohii, jakija dazvalajuć rabić chutkija i aŭtanomnyja zakupy, stanuć bolš papularnymi, bo jany dazvolać ekanomić hrošy i čas.

Zvyšchutkija biespravadnyja sietki piataha pakaleńnia, štučny intelekt i decentralizavanyja płaciežnyja sistemy mohuć dazvolić pryładam vakoł nas adnačasova apracoŭvać, pradavać i kuplać danyja. Tamu jašče bolš mašyn u chutkim časie buduć samastojna prymać rašeńni ab zakupach.

Bolš za toje, padklučanyja da sietki pryłady mohuć uzajemadziejničać adna z adnoj, kab vykonvać peŭnyja zadačy. Takuju sistemu niadaŭna prateściravała kampanija Onyx pamiž dvuma arbitalnymi spadarožnikami. Spadarožnik moh daručyć inšamu zrabić zdymki kantejnieravoza, jaki zachras u Sueckim kanale, i pry hetym nie źviazvaŭsia ź Ziamloj.

Aŭtamatyzavanyja mašyny mohuć značna źmianić łahistyku aŭtaparkaŭ. Kampanija Daimler Trucks AG pracuje nad ličbavymi kašalkami, jakija dazvolać kiroŭcam hruzavikoŭ aŭtamatyzavać płaciažy na niekatorych zapraŭkach i płatnych darohach. A hruzaviki budučyni zmohuć apracoŭvać płaciažy padčas dastaŭki tavaraŭ i samastojna spłačvać zbory.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?