U pieradysłakacyi ŭdzielničajuć vojski Centralnaj vajskovaj akruhi, havorycca ŭ paviedamleńni. Da miažy ruchajucca tanki, bajavyja mašyny piachoty (BMP), a taksama sistemy załpavaha ahniu «Urahan». Pavodle źviestak Janes, jakoje zajmajecca analizam adkrytych źviestak u abaronnym siektary, u Varoniežskuju vobłaść, jakaja miažuje z Ukrainaj, prybyli niekalki «Iskanderaŭ». Jany, chutčej za ŭsio, naležać 119-j rakietnaj bryhadzie, jakaja dysłakujecca ŭ Śviardłoŭskaj vobłaści, adznačaje ahienctva.
Janes taksama paviedamlaje, što na poŭdzień ad Varonieža stvorany palihon, abstalavany kompleksami dalokaj suviazi i palavym špitalem. U Krymie i susiednim Krasnadarskim krai nazirajecca anałahičnaje naroščvańnie vojskaŭ i techniki, uklučajučy BMP i samachodnyja minamioty «Ciulpan». U pierakidcy biaruć udzieł vajskoŭcy PaŭdniovaJ vajskovaj akruhi RF, havorycca ŭ relizie.
U Janes zajavili, što heta, vierahodna, «samaje maštabnaje nieabvieščanaje pieramiaščeńnie vojskaŭ» Rasii ad 2015 hoda.
Pry hetym analityki adznačajuć, što prykmiety nastupalnaha charaktaru razhortvańnia vojskaŭ adsutničajuć. «Adnak heta moža źmianicca, kali Rasija praciahnie pierakidku vojskaŭ da ŭkrainskaj miažy. Janes vyjaviła pieramiaščeńnie vajskovych sistem SPA ŭ Varoniežskuju vobłaść, jakoje raniej nie nazirałasia», — udakładnili ŭ ahienctvie.
U Minabarony RF pieradysłakacyju vajskovaj techniki tłumačyli płanavymi mierapryjemstvami vučebnaj padrychtoŭki.
