Pra źniknieńnie intryhi ŭ čempijanacie kazać zarana, bo salihorcy jašče nie hulali suprać pramych kankurentaŭ, ale z kožnym matčam kamanda Ramana Hryharčuka vyhladaje ŭsio bolš upeŭniena.
Fota FK «Šachcior».
Na inšym polusie ŭ adzinocie z nulom zastaŭsia «Spadarožnik», čyje braty pa niaščaści, «Słavija» i «Smarhoń», zhulali ŭničyju i nabrali narešcie pieršyja bały.
Ź inšych matčaŭ minułaha tura varta adznačyć treciuju zapar ničyju «Rucha», a taksama zarubu ŭ Barysavie, dzie «Homiel» ledź nie stvaryŭ siensacyju ŭ hulni z BATE. Kamandu Ivana Bijončyka možna ŭpeŭniena nazvać adkryćciom čempijanatu, jak i bresckaje «Dynama», jakoje minimalna vyjhrała ŭ zachodnim derbi.
Voś usie vyniki:
- «Nioman» — «Dynama-Brest» 0:1 (80, Šaściuk)
- BATE — «Homiel» 3:2 (40, Ja. Filipavič; 52, 54, Umaraŭ — 31, Vaśkoŭ; 89, An. Sałaviej)
- «Spadarožnik» — «Minsk» 0:1 (50, Alisiejka)
- «Šachcior» — «Isłač» 4:0 (37, 70, Darbo; 41, Szokie; 54, Achmiedzi)
- «Tarpieda-BiełAZ» — «Viciebsk» 1:0 (30 (ah), Skitoŭ)
- «Dynama-Minsk» — «Słuck» 1:0 (30, Po)
- «Słavija» — «Smarhoń» 1:1 (37, Tłupaŭ — 82 (ah), Baranoŭski)
- «Ruch» — «Enierhietyk-BDU» — 0:0
TURNIRNAJA TABLICA
Na jakija matčy varta źviarnuć uvahu ŭ čaćviortym tury?
«Enierhietyk-BDU» — «Spadarožnik»
- 09.04, 17:30. Minsk, RCAR-BDU
U pieršym tury «studenty» paśpiachova razabralisia z navičkami sa Smarhoni, ciapier na vulicu Siamaški jeduć hości z Rečycy, maralnamu stanu jakich nie pazajzdrościš.
«Isłač» — «Ruch»
- 10.04, 14:00. Stadyjon FK «Minsk»
Bieraściejcy ŭžo hulali na «Kamvolščyku» ŭ hetym siezonie, i ŭražańni zastalisia nie samyja pryjemnyja — u druhim tury «Ruch» upuściŭ pieramohu ŭ hulni z «Minskam».
U «Isłačy» ž druhi zapar ispyt kamandaj, jakaja na papiery vyhladaje macniejšaj. Pieršy ŭ Salihorsku skončyŭsia niaŭdała.
«Słuck» — «Tarpieda-BiełAZ»
- 10.04, 16:00. Słuck, stadyjon SDK
Paśla fijaska ŭ pieršym tury žodzincy zdabyli dźvie pieramohi i viarnulisia ŭ puł lidaraŭ tablicy. Vynik moža zamacavać čarhovaj pieramohaj, na hety raz u Słucku.
«Cukrovyja» pačali siezon niaŭraźliva, ź vidavočnymi prablemami napieradzie, i matč z bronzavymi pryziorami minułaha hoda pavinien stać tym jašče vyprabavańniem.
«Dynama-Brest» — «Dynama-Minsk»
- 10.04, 20:00. ASK «Brescki»
Niahledziačy na kardynalnyja pieramieny ŭ bresckim kłubie, dynamaŭskaje derbi ŭsio roŭna vyhladaje najlepšaj afišaj tura. Tym bolš abiedźvie kamandy iduć paralelna pa siezonie.
Hości na papiery vyhladziać topami, ale jany ŭžo mieli prablemy ŭ Viciebsku, a bieraściejcy ŭ toj ža čas užo mieli vyprabavańnie barysaŭskim BATE.
«Minsk» — BATE
- 11.04, 14:00. Stadyjon FK «Minsk»
«Haradžanie» narešcie zdabyli pieršuju pieramohu i zaskočyli ŭ siaredzinu tablicy. Zamacavać pośpiech budzie vielmi składana, ale «Minsk» užo adbiraŭ bały ŭ favarytaŭ. Čamu b i nie paŭtaryć?
«Homiel» — «Nioman»
- 11.04, 16:00. Homiel, SDzJuŠAR-8 (štučnaje pole)
Haradziency, jakija vosieńniu ledź nie zavajavali miedali čempijanatu, u novy siezon uvajšli ź vialikimi ciažkaściami. Kamanda ŭ lizie jašče nie pieramahała i za try tury adznačyłasia ŭsiaho adnojčy.
U «Homiela» paśla troch turaŭ u aktyvie piać miačoŭ, try ź jakich na rachunku Andreja Sałaŭja. Ale ŭ toj ža čas «rysi» prapuścili čatyry miačy, u dva razy bolš za «Nioman». Tamu ŭ abaronie «bieła-zialonym» varta być bolš pilnymi.
«Słavija» — «Viciebsk»
- 11.04, 18:00. Mazyr, stadyjon «Junactva»
Niaŭdały start «Słavii» staŭ davoli niečakanym, tym bolš kalandar mazyrčukoŭ nie byŭ zvyšskładanym. Ale «čorna-čyrvonyja» nie zmahli vyjhrać navat u «Smarhoni», tamu majem što majem.
«Viciebsk» adyšoŭ niedaloka ad «Słavii» i na dadzieny momant źjaŭlajecca samaj panyłaj kamandaj u lizie — nivodnaha zabitaha i tolki adzin prapuščany miač. Jość šaniec krychu palepšyć statystyku, ale dla hetaha treba chacia b zabić.
«Šachcior» — «Smarhoń»
- 11.04, 20:00. Salihorsk, stadyjon «Šachcior»
Na hetym tydni «Šachcior» aformiŭ vychad u paŭfinał kubka Biełarusi. Ale ŭ druhim matčy suprać «Niomana» salihorcy prajhrali i vyjšli pa sumie hałoŭ, tamu čempijony nie vyhladajuć nieprystupnymi.
Ale ŭ «Smarhoni» šancaŭ niašmat — adziny zabity kamandaj miač i toj źjaŭlajecca aŭtahołam. Tamu chutčej hledačy pabačać jašče adzin razhrom, čym supiersiensacyju.
