Novy Kodeks ab adukacyi staŭ adnoj z tem, jakija abmiarkoŭvajucca na minułym tydni. Ministr adukacyi Ihar Karpienka ŭ efiry telekanała STB prakamientavaŭ adzin z punktaŭ novaha Kodeksa ab adukacyi, zhodna ź jakim baćki nibyta nie majuć prava ŭmiešvacca ŭ navučalny praces.
«Heta niezrazumieła čyje interpretacyi. Ja b hetym raspaŭsiudnikam infarmacyi, jakija robiać heta ŭ Telegram-kanałach, paraiŭ by ŭziać kodeks (jon, darečy, jość u volnym dostupie) i pačytać jaho. Ale heta ž składana — 500 staronak — treba pračytać, znajści adpaviedny artykuł. Darečy, artykuł ab tym, što baćki majuć prava atrymlivać infarmacyju ab adukacyjnym pracesie, ab tym, jak jon ažyćciaŭlajecca, jaho źmiest, jon zastaŭsia niekranuty.
Adzinaje, što my dadali: paradak pradastaŭleńnia hetaj infarmacyi vyznačaje ŭstanova adukacyi. Heta łahična. Ujavicie, kali ŭ škole vučycca tysiača navučencaŭ i za adzin raz pryjdzie tysiača baćkoŭ, heta budzie kałaps u škole. Viadoma, ustanova adukacyi pavinna vyznačyć paradak, jak heta robicca. I heta naturalna, tamu što baćki — takija ž udzielniki adukacyjnaha pracesu i biassprečna, biez baćkoŭ niemahčyma vyrašać mnohija rečy. Kali dzicia niematyvavanaje na vučebnuju dziejnaść, to adnych namahańniaŭ piedahoha niedastatkova — patrebnyja jašče i namahańni baćkoŭ, stvareńnie adpaviednych umoŭ doma i adpaviednaja matyvacyja», — skazaŭ ministr.
