Zabłakavany dostup da sajta Dissidentby.com. Ën pierastaŭ adkryvacca ź niekatorych pravajdaraŭ. U karystalnikaŭ źjaŭlajecca nadpis, što dostup da sajta abmiežavany pavodle rašeńnia Ministerstva infarmacyi.
Sajt Dissidentby.com źmiaščaŭ infarmacyju pra palitviaźniaŭ: imiony, kantakty, a taksama rekvizity dla dapamohi siemjam palitźniavolenym. Usiaho na sajcie jość infarmacyja pra 526 aryštavanych pa palityčnych spravach, niezaležna ad taho, ci pryznany ŭžo hety źniavoleny palitviaźniem pravaabaroncami albo nie. Sajt robicca hrupaj aktyvistaŭ levych pierakanańniaŭ i staŭ adnym z samych papularnych resursaŭ u svajoj śfiery dziakujučy paŭnacie i apieratyŭnaści.
U vypadku błakavańnia sajty, raźmieščanyja nie ŭ Biełarusi, zastajucca dastupnyja z-za miežaŭ, a ŭnutry krainy — praz VPN.
Čytajcie taksama: Što za Dissidentby? Raskazvajem pra inicyjatyvu, jakaja napramuju dapamahaje palitviaźniam
