Fota Pixabay
Žudasnyja miełodyi hučańniem nahadvajuć arfu, piša CNN.
Doktar fiłasofii Markus Biuler, adzin sa stvaralnikaŭ prajekta, daŭno zadumvaŭsia pra toje, kab atrymać miełodyi z pryrodnych materyjałaŭ, naprykład, z pavuciny.
Niahledziačy na toje, što sietka pavucińnia vyhladaje vypadkovaj, u joj jość mnostva ŭnutranych struktur, niedasiažnych čałaviečamu voku. Adnak usie strukturnyja detali pavuciny moža zrazumieć kampjutar.
Pavuki ŭsprymajuć navakolny śviet praź vibracyi nitak ich pavuciny, z dapamohaj jakich jany aryjentujucca i majuć znosiny ź inšymi pavukami. Tamu muzyka ich pavuciny daje mahčymaść ujavić, jak pavuki ŭsprymajuć śviet.
Razam sa svaimi kalehami Biuler praskanavaŭ pavucinu z dapamohaj łaziera. Taksama navukoŭcy fiksavali vibracyi sietki, jakija ŭźnikali padčas ruchu pavukoŭ.
Daśledčyki zrabili zdymki dvuchmiernych siačeńniaŭ pavuciny, paśla čaho vykarystali kampjutarnyja ałharytmy dla ŭznaŭleńnia virtualnaj 3D-sietki pavuciny.
Zatym navukoŭcy nadavali kožnaj nitcy pavucińnia peŭnuju častatu huku, i takim čynam atrymlivalisia noty, jakija daśledčyki pieratvaryli ŭ miełodyi.
Dla vykanańnia muzyki pavukoŭ navukoŭcy stvaryli virtualny muzyčny instrumient, padobny da arfy.
