Prezident Rasii Uładzimir Pucin adkazaŭ na prapanovu kiraŭnika Ukrainy Uładzimira Zialenskaha ab sustrečy i prapanavaŭ sustrecca ŭ Maskvie «ŭ luby zručny čas».
«Što tyčycca prapanovy ŭkrainskaha kiraŭnictva i prezidenta Zialenskaha — chacieŭ by skazać nastupnaje. U apošni čas dziejučaje kiraŭnictva Ukrainy zrabiła vielmi šmat krokaŭ, što razburajuć rasijska-ŭkrainskija adnosiny.
Heta tyčycca šerahu prablem u dvuchbakovych adnosinach, heta tyčycca staŭleńnia da RPC i jaje razbureńnia, sproby razbureńnia, heta tyčycca da ruskaj movy i da ruskamoŭnych hramadzian Ukrainy, i da rasijskich hramadzian, jakija pražyvajuć va Ukrainie… Vielmi šmat krokaŭ, pra jakija my tolki škadujem.
Kali prezident Zialenski choča pačać adnaŭleńnie hetych adnosin, my budziem heta tolki vitać. Zastajecca pytańnie — što chočam abmiarkoŭvać na hetaj sustrečy? Kali havorka idzie pra abmierkavańnie prablem Danbasa, to ŭ pieršuju čarhu kiraŭnictva Ukrainy pavinna sustrakacca z kiraŭnikami «respublik» «ŁNR» i «DNR», a potym vyrašać prablemy z pradstaŭnikami trecich krain, jakoj źjaŭlajecca Rasija.
A kali havorka idzie ab raźvićci dvuchbakovych adnosin, to my prymiem prezidenta Ukrainy ŭ Maskvie ŭ luby zručny dla jaho čas».