Aktyŭnuju rolu ŭ «vajennym pieravarocie» ŭ Biełarusi «sprabavali hrać» ZŠA. Takuju zajavu ŭ efiry telekanała «Rośsija 1» zrabiŭ dyrektar FSB Rasii Alaksandr Bortnikaŭ.
Bortnikaŭ adznačyŭ, što ab datyčnaści Złučanych Štataŭ śviedčać materyjały, jakija byli atrymanyja ŭ vyniku zatrymańnia Juryja Ziankoviča i Alaksandra Fiaduty i inšych u Maskvie.
Pry hetym jon źviarnuŭ uvahu na toje, što ciapier biełaruskija śledčyja sumiesna z KDB vyśviatlajuć, nakolki aktyŭna byli zadziejničanyja ZŠA. I tolki paśla zaviaršeńnia hetaj pracy možna budzie rabić vysnovy.
Taksama Bortnikaŭ padkreśliŭ, što ŭ Biełarusi płanavaŭsia mienavita vajenny pieravarot.
Nahadajem, raniej Łukašenka raspavioŭ ab tym, što na jaho i jaho synoŭ rychtavaŭsia zamach. Pa słovach palityka, da hetaha datyčnyja FBR i CRU.