Udakładniajecca, što pierastrełka viadziecca kala hadziny ŭ Lejlekskim rajonie. Siarod paranienych jość supracoŭniki milicyi.
Ahienctva taksama piša, što ŭ sacyjalnych sietkach paviedamlajecca ab zachopie sioł na terytoryi Kyrhyzstana hramadzianami Tadžykistana.
***
Situacyja na miažy dźviuch dziaržaŭ u rajonie vodazaboru «Hałoŭny», jaki kožny z bakoŭ ličyć svajoj terytoryjaj, abvastryłasia 28 krasavika, kali tam paŭstaŭ kanflikt pamiž žycharami pamiežnych viosak dźviuch krain.
29 krasavika adbyłosia ŭzbrojenaje sutyknieńnie pamiž vajskoŭcami Kyrhyzstana i Tadžykistana. Ułady Kyrhyzstana zajavili, što tadžykskija vajskoŭcy ŭžyvali kulamioty i minamioty. Viečaram baki damovilisia ab spynieńni ahniu. Pavodle apošnich źviestak, z kyrhyzskaha boku 13 čałaviek zahinuli i 134 atrymali ranieńni.