Delfi
Na płoščy Vincasa Kudzirki ŭ Vilni tamtejšyja prafsajuzy arhanizavali pikniki, na jakich razdavali abaranki — simvał nievialikich zarobkaŭ, abo «dzirku ad abaranka». Pikiety taksama prachodzili la budynkaŭ parłamienta, prezidenckaha pałaca i ŭrada, paviedamlaje Delfi.lt.
«Siońnia, jak i štohod, 1 maja, my nahadvajem uładam i hramadstvu ab našych pravach. My vychodzim z takoj akcyjaj i idejaj — nasamreč ŭ apošni čas mnohija rabočyja nie šykavali i nie mahli pracavać dystancyjna, chadzili na pracu, pracavali zvyšuročna. I, na žal, niahledziačy na vialikuju nahruzku, zarablali tolki na abaranak. Abo na dzirku ad abaranka», — skazała prezident Litoŭskaj kanfiederacyi prafsajuzaŭ Inha Ruhinienie.
Pry kancy minułaha hoda, siaredni zarobak u Litvie składaŭ 1411 jeŭra na «papiery», abo 900 jeŭra «čystymi», pisała Delfi.lt. Sioleta zarobak «čystymi» pavinien padraści da 967 jeŭra. Miedyjanny zarobak, heta bolš spraviadlivaja ličba (pałova ludziej atrymlivaje bolš za hetu sumu, pałova mienš) składaje 809 jeŭra.
Minimałka ŭ Litvie sioleta pavinna vyraści da 642 jeŭra.
U Biełarusi siaredni zarobak za sakavik skłaŭ 1384,7 rubla «brudnymi», abo 1190 rubloŭ «čystymi». Heta 385 jeŭra pa siońniašnim kursie.
Pry kancy minułaha hoda miedyjanny zarobak u našaj krainie składaŭ 944,4 rubla, tady heta było 310 jeŭra.
