Fota Pixabay
U daśledavańni analityčnaha centra Rhodium Group śćviardžajecca, što ŭ 2019 hodzie za 27% suśvietnych vykidaŭ parnikovych hazaŭ adkazny Kitaj. Druhimi pa vieličyni vykidaŭ stali ZŠA (11%), a treciaj stała Indyja (6,6%), paviedamlaje BBC.
Navukoŭcy papiaredžvajuć, što biez pahadnieńnia pamiž ZŠA i Kitajem budzie niemahčyma pieraadoleć klimatyčny kryzis.
Za apošnija try dziesiacihodździ vykidy Kitaja pavialičylisia ŭtraja. Adnak pakolki Kitaj maje samaje vialikaje nasielnictva ŭ śviecie, kolkaść vykidaŭ na čałavieka ŭ KNR značna mienšaja, čym u ZŠA.
Kitaj paabiacaŭ dasiahnuć nulavych vykidaŭ da 2060 hoda. Si Czińpin paćvierdziŭ svajo abiacańnie na klimatyčnym samicie, jaki arhanizavaŭ Bajden u minułym miesiacy.
Adnak Kitaj mocna zaležyć ad vuhalnaj enierhietyki. Na siońniašni dzień u krainie pracuje 1058 vuhalnych elektrastancyj, što składaje bolš za pałovu suśvietnaj mahutnaści.
