Śledčyja Słužby biaśpieki Ukrainy abjavili ŭ vyšuk deputata Viarchoŭnaj Rady ad frakcyi «Apazicyjnaja płatforma — Za žyćcio» Tarasa Kozaka, padazravanaha ŭ dziaržaŭnaj zdradzie.
Kozak razam z deputatam Viktaram Miedźviedčukom padazrajucca ŭ ździajśnieńni dziaržaŭnaj zdrady i zamachu na razrabavańnie nacyjanalnych resursaŭ na terytoryi Kryma.
Miedźviedčuka taksama padazrajuć u pieradačy ŭ žniŭni 2020 hoda deputatu Kozaku, jaki na toj momant znachodziŭsia ŭ Rasii, źviestak pra miescaznachodžańnie sakretnaha vajskovaha padraździaleńnia Uzbrojenych sił Ukrainy.
13 maja Piačerski rajonny sud adpraviŭ Viktara Miedźviedčuka pad chatni aryšt terminam na dva miesiacy, jaho abaviazali zdać zamiežny pašpart i nasić elektronny branzalet.
Miedźviadčuk tady zajaviŭ, što Kozak znachodzicca ŭ Biełarusi na lačeńni.
