Strašny pažar zdaryŭsia ŭ vioscy Sidarovičy na Miadzielščynie 28 krasavika. Ahoń achapiŭ dom, dzie ŭ toj momant byli dva maleńkija chłopčyki: 12 i 2 hadoŭ. Roma Kahadoŭski vynies svajho małodšaha brata na rukach, vyratavaŭšy jamu žyćcio. Sam Roma atrymaŭ mocnyja apioki i parezy, užo amal miesiac jon znachodzicca ŭ reanimacyi.
Apošni tydzień stan chłopčyka zastajecca stabilna ciažkim. Praviedziena niekalki etapaŭ chirurhičnaha lačeńnia, paetapnaja skurnaja płastyka, paviedamlaje Minachovy zdaroŭja.
Chłopčyk znachodzicca ŭ Respublikanskim apiokavym centry na bazie BCHMD. Padčas apieracyj jamu pravodziłasia miascovaje lačeńnie apiokavych ran, daktary vydalali paškodžanyja ahniom tkanki z užyvańniem sučasnych technałohij kambuścijałohii.
Z Romam pastajanna znachodzicca mama. Chłopčyk na ŠVŁ, jon u śviadomaści. Reahuje na havorku, mama čytaje jamu knihi, časam jon hladzić multfilmy.
Na minułym tydni, taksama jak i raniej, pravodzilisia admysłovyja kansiliumy śpiecyjalistaŭ.