BiełTA
Voś asnoŭnyja cytaty.
«Jak my i prahnazavali, našy niadobrazyčliŭcy zvonku, dy i ŭnutry krainy, źmianili mietady ataki na dziaržavu. Jany pierastupili mnostva čyrvonych linij, pierajšli miežy zdarovaha sensu i čałaviečaj marali». Niadobrazyčliŭcy pierajšli ad arhanizacyi buntaŭ da etapu zadušvańnia.
Pryniaŭšy samyja žorstkija miery, biełaruskaja dziaržava ŭ zarodku padaviła chvalu nieanacyzmu. «Našy dziejańni mahli padacca praźmiernymi tym, chto apraŭdvaje ich złačynstvy. Ale hetaja stratehija žyćciova važnaja dla krainy», — padkreśliŭ jon.
«Na praciahu 2020 hoda na Biełaruś akazvaŭsia biesprecedentny cisk. Nivodnaja kraina ŭ śviecie nie sutykałasia z takim šmatpłanavym, šmatuzroŭnievym teroram, — zajaviŭ jon. — Čamu abrynulisia na Biełaruś? Bo nie zrabiła, jak usie, nie prahnułasia i nie paddałasia statkavamu instynktu, dziejničała ŭ pieršuju čarhu ŭ intaresach ludziej, a nie čyich-to hłabalnych finansavych ambicyj».
Prakamientavaŭ Łukašenka situacyju z samalotam Ryanair Afiny — Vilnia, jaki sieŭ u Minsku.
Paviedamleńnie pra miniravańnie samalota pastupiła sa Šviejcaryi [elektronnaja pošta, ź jakoj nibyta pryjšło paviedamleńnie sapraŭdy zarehistravana ŭ Šviejcaryi — NN], «samalot raźviarnuli kala BiełAES. A kali b raptam sistemy biaśpieki AES byli pieraviedzienyja ŭ režym poŭnaj bajavoj hatoŭnaści?» — spytaŭ Łukašenka.
«Była bomba ci nie, ale kali b mnie dałažyli ab tym, što ŭ samalocie teraryst, ja b nieadkładna addaŭ zahad pasadzić samalot».
«Chaj zachodnija abaroncy adkažuć: na jakija śpiecsłužby pracavali dvoje zatrymanych? Chto płaciŭ padonku, jaki zabivaŭ ludziej u brackaj Ukrainie?»
«U samalocie znachodziŭsia teraryst i pra heta viedali daloka za miežami Biełarusi».
Jon dadaŭ, što «dziejničaŭ zakonna, abaraniajučy ludziej, pa ŭsich mižnarodnych praviłach». «Try čałavieki vyjšli z samalota ŭ Minsku, kab nie viartacca ź Vilni, adnak ź ich zrabili fejkavych supracoŭnikaŭ KDB».
«Napisanyja pad kapirku abvinavačvańni zachodnich krain i abmiežavańni na paloty pasypalisia adrazu — nie paśpieŭ avijałajnier sieści ŭ Minsku. Zanadta ŭžo chutka «zreahavali». Heta, chutčej za ŭsio, spłanavanaja pravakacyja», — skazaŭ Łukašenka
***
Taksama vystupajučy ŭ parłamiencie, Łukašenka skazaŭ, što refierendum pa novaj Kanstytucyi projdzie na samym vysokim uzroŭni — demakratyčna i adkryta.
