Pavodle jaho słoŭ, sam incydent i zajavy ŭładaŭ Biełarusi na hetuju temu pavinny «być pradmietam niejkaj sproby asensavać i zrazumieć, što adbyłosia», piša TASS.
Piaskoŭ nahadaŭ słovy Alaksandra Łukašenki, «jaki skazaŭ, što heta paviedamleńnie [ab miniravańni samalota avijakampanii Ryanair, jaki ździejśniŭ pasadku ŭ Minsku,] pryjšło sa Šviejcaryi».
«Kali heta nie tak, napeŭna, chtości heta abvierhnie. My nie bačyli nijakich abviaržeńniaŭ. Pakul my navat nie čuli nijakich zajaŭ ad jeŭrapiejskich dziaržaŭ ab žadańni niejak razabracca z hetaj temaj, pakul stali siekčy ź plača», — skazaŭ Piaskoŭ.
Piaskoŭ paviedamiŭ, što Biełaruś nie staviła pytańnie ab pavieličeńni abjomu ekanamičnaj padtrymki z boku Rasii ŭ suviazi z mahčymymi sankcyjami ŭ dačynieńni da Minska praź incydent z samalotam Ryanair.
«Hetaje pytańnie nie staviłasia biełaruskim bokam», — skazaŭ pradstaŭnik Kramla.
Jon adznačyŭ, što, «sapraŭdy, Rasija naŭprost i ŭskosna akazvaje značnuju dapamohu biełaruskaj ekanomicy» i što časam abjom takoj padtrymki davodzicca pavialičvać, ale havorka nie idzie pra niejkija «aŭtamatyčnyja pieraličeńni».