Volha Takarčuk.
My źviazalisia ź siamjoj Voli, tam abvierhli hetyja čutki.
«Heta niapraŭda. Advakat Voli litaralna siońnia byŭ u Navinkach. Ale akazałasia, što Vola zastajecca ŭ Žodzinie: jaje etapavali tudy 24 maja. Muž paśpieŭ źjeździć tudy i pieradać joj leki, jakija jana zvyčajna prymaje. U jaho ŭsio ŭziali, paćvierdziŭšy, što Volha znachodzicca ŭ ich», — prakamientavaŭ baćka błohierki Andrej Takarčuk.
Ën taksama dadaŭ, što budzie rady, kali ludzi buduć padtrymlivać dačku telehramami i listami:
«Nakont pieradač ci niejkich pasyłak — heta ŭdakładniajcie ŭ siamji, bo vaha limitavanaja, dy i błytaniny nie chočacca».
Nahadajem, Volhu Takarčuk zatrymali 19 maja: u kvateru, dzie jana žyvie z mužam i dvuma niepaŭnaletnimi dziećmi, pryjšli ź pieratrusam. Da raniejšych abvinavačańniaŭ (abraza sudździ i paklop u dačynieńni da supracoŭnika vybarčaj kamisii — 391 i 188 artykuły) 21 maja Volzie dadali novaje abvinavačańnie: hrubaje parušeńnie hramadskaha paradku (342 artykuł KK).
Adras dla listoŭ Volzie:
222136, h. Žodzina, vuł. Savieckaja, 22A, turma №8
