Pra heta zajaviŭ žurnalistam u čaćvier kiraŭnik MZS Hiermanii Chajka Maas pa vynikach niefarmalnaj sustrečy ministraŭ zamiežnych spraŭ krain ES u Lisabonie.
«Hetaje pytańnie taksama tut častkova razhladałasia, ale heta chutčej siarednie- i doŭhaterminovaja tema», — skazaŭ jon, adkazvajučy na pytańnie ab mahčymaści ŭviadzieńnia sankcyj suprać pastavak hazu praź Biełaruś. «Ciapier ja ničoha nie chaču vyklučać», — dadaŭ Maas.
U toj ža čas, pa jaho słovach, buduć nieabchodnyja detalovyja kansultacyi na hety kont.
Maas taksama raspavioŭ, što Jeŭrasajuz vyvučaje ŭsie mahčymyja varyjanty sankcyj suprać Minska, u tym liku zabaronu vypusku dziaržablihacyj u jeŭra.
«My ŭsie poŭnyja rašučaści vielmi chutka realizavać rašeńni Jeŭrapiejskaha savieta», — skazaŭ jon. «My abmiarkoŭvajem, akramia taho, pytańnie, chto jašče patrapić u sankcyjny śpis — heta nie tolki asobnyja ludzi, adkaznyja za toje, što adbyłosia ŭ apošnija dni, ale i kampanii», — adznačyŭ Maas i dadaŭ, što havorka idzie pra pradpryjemstvy, jakija akazvajuć upłyŭ na ekanamičnuju situacyju ŭ Biełarusi, u pryvatnaści ŭ śfiery vytvorčaści kaliju i fasfatu.
«Havorka taksama pojdzie ab tym, kab vykarystoŭvać finansavyja mahčymaści ŭ vobłaści sistemy raźlikaŭ. Asabliva staić pytańnie, nakolki ŭ budučyni Biełarusi budzie dazvolena ažyćciaŭlać vypusk dziaržablihacyj u Jeŭropie», — padkreśliŭ kiraŭnik MZS Hiermanii.
«My pajšli tak daloka, pakolki dziejańni, jakija my nazirali ŭ Biełarusi, jakija my nazirali z boku Łukašenki, majuć terarystyčnyja abrysy, nastolki nieprymalnyja, što, ułasna kažučy, ničoha nie možam vyklučać», — zajaviŭ Maas.
