Schavanaje razhortvańnie vojskaŭ adpracujuć na majučych adbycca sumiesnych rasijska-biełaruskich vučeńniach «Zachad-2021». Ab hetym u intervju haziecie «Čyrvonaja zorka» raspavioŭ kamandujučy vojskami Zachodniaj vajennaj akruhi (ZVA) Rasii hienierał-pałkoŭnik Alaksandr Žuraŭloŭ, piša TASS.
«Pavyšanaja ŭvaha nadajecca apieradžalnaj hatoŭnaści sistem kiravańnia i ŭsich vidaŭ zabieśpiačeńnia, a taksama schavanamu razhortvańniu nieabchodnaj hrupoŭki», — zajaviŭ jon.
Taksama buduć adpracoŭvacca navyki, atrymanyja ŭ vyniku asvajeńnia vopytu bajavych dziejańniaŭ va ŭmovach sučasnych vajennych kanfliktaŭ. «Nami adpracavanyja i ŭkaranionyja ŭ vojski niestandartnyja sposaby dziejańniaŭ bataljonnych taktyčnych hrup pry adbićci ŭdaraŭ nizkalatalnych pavietranych celaŭ, bieśpiłotnych latalnych aparataŭ i baraćbie z chutkasnymi bronieabjektami», — adznačyŭ kamandujučy ZVA RF.
Sumiesnyja stratehičnyja vučeńni «Zachad-2021» projduć u vieraśni na vajennych palihonach Biełarusi i Rasii. Raniej paviedamlałasia, što ŭ asnovu zadumy vučeńniaŭ pakładzieny adzin z mahčymych varyjantaŭ eskałacyi vajenna-palityčnaj abstanoŭki suprać ŭmoŭnaj dziaržavy. Ministr abarony RF Šajhu zajaŭlaŭ, što na vučeńniach budzie masava prymianiacca vajskovaja avijacyja.
