1 lipienia ŭ centralizavanym testavanni budzie pastaŭlena apošniaja kropka. Apošnimi ŭ punkty praviadzieńnia CT pryjduć abituryjenty, jakim dla pastupleńnia treba zdavać test‑ekzamien pa chimii.
Miž inšym, dla pieravažnaj bolšasci abituryjentaŭ ekzamienacyjny marafon užo zaviaršyŭsia, i ciapier im tolki zastajecca dačakacca svaich vynikaŭ.
Na siońnia ŭžo viadomyja vyniki ŭdzielnikaŭ CT pa biełaruskaj, rasiejskaj movie, historyi Biełarusi i hieahrafii.
Jak «Źviazda» paviedamlała raniej, na CT pa biełaruskaj movie maksimalnuju kolkaść bałaŭ pa 100‑balnaj škale nabrali sioleta 122 abituryjenty.
A na CT pa rasiejskaj movie zarehistravana 30 stabalnych vynikaŭ (u 2008 hodzie takich ščasliŭcaŭ było ŭsiaho 6 čałaviek). Try abituryjenty spynilisia ŭsiaho za adzin krok ad hetaj vyšyni. 36 maładych ludziej nabrali 98 bałaŭ, 72 čałavieki — 97 bałaŭ i 42 abituryjenty — 96 bałaŭ. A ŭ dyjapazon ad 90 bałaŭ i vyšej «upisalisia» 996 čałaviek. 50 bałaŭ i bolš nabrali 20 pracentaŭ udzielnikaŭ testavańnia. A 10 bałaŭ i mienš — 11 tysiač 822 abituryjenty, što składaje 11 pracentaŭ ad ahulnaj kolkasci ŭdzielnikaŭ. I 9 čałaviek umudrylisia nie nabrać uvohule nivodnaha bała, heta značyć, što navat z prapanavanych varyjantaŭ jany nie zmahli vybrać pravilny, ci, jak lubiać havaryć apanienty testavańnia, «nie adhadali nivodnaha pravilnaha adkazu». Darečy, kali paraŭnoŭvać vyniki abituryjentaŭ, jakija zdavali na testavanni biełaruskuju i rasiejskuju movu, to, atrymlivajecca, što biełaruskuju movu abituryjenty zdali lepš (jak i ŭ papiarednim hodzie).
Na testavanni pa historyi Biełarusi maksimalny vynik — 99 bałaŭ.
Im moža pachvalicca tolki adzin čałaviek. 4 abituryjenty nabrali 97 testavych bałaŭ (98 bałaŭ niama ni ŭ kaho). A 90 bałaŭ i vyšej nabrali 90 čałaviek.
Razam z tym 50 bałaŭ i bolš zdoleli nabrać tolki krychu bolš jak 11 pracentaŭ udzielnikaŭ,
i 239 čałaviek nabrali 10 bałaŭ i mienš. Varta nahadać, što historyju Biełarusi zdavali kala 26 tysiač abituryjentaŭ. Z ich 16 tysiač vybrali dla zdačy testa biełaruskuju movu. Na CT pa hieahrafii lepšy vynik u abituryjenta, jaki nabraŭ 92 bały. 80 bałaŭ i bolš nabrali 44 abituryjenty, a 10 bałaŭ i mienš — 34 udzielniki. Nulavych vynikaŭ na CT pa historyi Biełarusi i hieahrafii nie było.
U Respublikanskim instytucie kantrolu viedaŭ nahadali, što 2 lipienia zaviaršajecca rehistracyja dla zdačy centralizavanaha testavańnia ŭ reziervovy dzień (6 lipienia).Reziervovy dzień pryznačany dla abituryjentaŭ, jakija nie zmahli ŭziać udzieł u testavanni ŭ asnoŭny dzień z pavažnaj pryčynie.
Darečy, u instytucie kantrolu viedaŭ užo rychtujucca siertyfikaty dla pieradačy ich u VNU. Atrymać svoj siertyfikat abituryjenty zmohuć u miescach rehistracyi na centralizavanaje testavańnie. Ale nie varta biehčy ŭ VNU ŭ bližejšyja dni, tamu što siertyfikaty pieradajucca ŭ punkty rehistracyi nie pa adnym, a adrazu pa niekalkich pradmietach (pa miery padviadzieńnia vynikaŭ). Tamu VNU abaviazkova prainfarmujuć udzielnikaŭ CT ab tym, kali raspačniecca vydača siertyfikataŭ. Sačycie za paviedamleńniami na sajtach VNU.
