«U druhoj pałovie červienia ŭmovy nadvorja ŭ Biełarusi znachodzilisia pad upłyvam zachodniejeŭrapiejskaha antycykłonu, centr jakoha ssoŭvaŭsia na jeŭrapiejskuju terytoryju Rasiei. Znachodziačysia na pieryfieryi dadzienaha antycykłonu, ustalavałasia paŭdniovaja cyrkulacyja pieramiaščeńnia pavietranych mas, i ŭ našu krainu na praciahu hetaha tydnia (21—25 červienia) pastupała haračaje pavietra subtrapičnaha pachodžańnia. Z pryčyny čaho nazirałasia vielmi haračaje nadvorje, z tempieraturaj +30 hradusaŭ i vyšej, a pa paŭdniovym uschodzie krainy +35+37 hradusaŭ», — tłumačać anamalnuju śpioku śpiecyjalisty.
Najharačej było ŭ Homielskaj vobłaści.
«Na hety momant my adznačajem intensiŭnuju chvalu ciapła, jakaja dasiahnuła najbolšaha raźvićcia pa ŭschodniaj pałovie krainy, dzie i byli zarehistravanyja najbolšyja tempieratury pavietra, maksimalnyja značeńni jakich tradycyjna adznačajucca ŭ Homielskaj vobłaści. Najbolšaje značeńnie pa terytoryi Biełarusi adznačana tam ža ŭ pasiołku Akciabrski 23 červienia i skłała +37,1 ºS», — adkazvaje Biełhidramiet.
Ale ž čamu sioleta mienavita Akciabrski byŭ samym haračym miescam krainy?
Nasamreč, kankretnaha adkazu na hetaje pytańnie niama, padkreślivajuć śpiecyjalisty.
«U paŭdniovych rehijony Biełarusi zaŭsiody adznačajecca bolš vysokaja tempieratura pavietra. Nielha nazvać niejki asablivy faktar, jaki paŭpłyvaŭ na toje, što ŭ Akciabrskim było haračej za inšyja harady i miastečki. Histaryčny maksimum tempieratury pavietra dla hetaha punkta nazirańnia składaje + 37,9 ºS i byŭ adznačany 7 žniŭnia 2010 hoda padčas samaj intensiŭnaj chvali ciapła na terytoryi Biełarusi za ŭsiu historyju nazirańniaŭ. Ale hety pasiołak nie źjaŭlajecca absalutnym tempieraturnym rekardsmienam u našaj krainie. Najbolšaje zarehistravanaje značeńnie tempieratury pavietra Biełarusi (+38,9 ºS) było adznačana ŭ Homieli 8 žniŭnia 2010 hoda.
Tamu, moža być, na sioletnija pakazčyki tempieratury z Akciabrskaha mahło paŭpłyvać miescaznachodžańnie mieteastancyi, jakaja staić dastatkova nizka — adpaviedna, mahčyma, u hetym miescy prosta było mienš vietra, što i pryviało da bolš vysokich tempieraturnych pakazčykaŭ. Ale, padkreślim, heta tolki viersija», — kažuć u pres-słužbie Biehidramieta.
Pakul śpioka adydzie — ale, mahčyma, vierniecca.
«U bližejšy pieryjad času, 26—29 červienia, čakajecca pasłableńnie śpiakoty. Adnak varta pamiatać, što samy haračy miesiac u hodzie — heta lipień, a haračyja i vielmi haračyja dni mohuć nazirać na praciahu luboha miesiaca kalandarnaha leta. Biełhidramiet z maksimalna mahčymaj svoječasovaściu papiaredzić ab takich čakanych źjavach», — kažuć śpiecyjalisty.
