Pra heta havorycca ŭ raspaŭsiudžanaj Dziarždepam piśmovaj zajavie, piša TASS.
U dakumiencie padkreślivajecca, što ŭ składzienym źniešniepalityčnym viedamstvam śpisie krain «28 červienia Biełaruś zastajecca na čaćviortym uzroŭni — nie padarožničać».
«Nie padarožničajcie ŭ Biełaruś z-za advolnaha prymianieńnia zakonaŭ i ryzyki zatrymańnia», — rastłumačyli ŭ Dziarždepartamiencie, pakazaŭšy taksama i na situacyju vakoł pandemii.
«Biełaruś prymianiaje śpiecyjalnyja abmiežavańni ŭ dačynieńni da hramadzian, jakija majuć padvojnaje amierykanskaje i biełaruskaje hramadzianstva, i moža admović u pryznańni padvojnaha amierykanskaha i biełaruskaha hramadzianstva, uklučajučy admovu abo zatrymku ŭ pradastaŭleńni amierykanskaj konsulskaj dapamohi zatrymanym asobam z padvojnym hramadzianstvam», — śćviardžajecca ŭ dakumiencie.
