Kab vyrašyć kryzis nielehalnych mihrantaŭ u Litvie, nieabchodna padtrymlivać dyjałoh z trecimi krainami, ličać premjer-ministr Litvy Inhryda Šymanicie i prezident Jeŭrapiejskaj rady Šarl Mišel.
«Miaža Litvy — heta miaža Jeŭropy. Tamu dla mianie było vielmi važna pryjechać siudy, kab ja dobra razumieŭ, u čym jość patreba i što moža zrabić z boku ES dla dapamohi Litvie», — adznačyŭ Šarl Mišel, jaki ad paniadziełka znachodzicca ŭ Litvie.
Jon padkreśliŭ nieabchodnaść dyjałohu z trecimi krainami. «Na nastupnym tydni ŭ mianie budzie mahčymaść pahavaryć z premjer-ministram Iraka, ja padtrymaju ŭsie namahańni Litvy», — paabiacaŭ jon.
Jon taksama źbirajecca źviazacca z kiraŭnikami inšych krainaŭ, adkul idzie płyń mihrantaŭ, dla bolš ciesnaha supracoŭnictva. «Hetyja krainy musiać dać sihnał, što siudy nielha trapić niezakonnym šlacham», — skazaŭ Mišel.
