BiełTA
Jon zaznačyŭ, što varta vyznačyć dalejšuju stratehiju pracy ŭ novych umovach, pieradusim ekanamičnych.
Zakranuŭ Łukašenka jak prablemu karanavirusa, tak i ŭviadzieńnie sankcyj, čarhovy raz padkreśliŭšy, što da sankcyj kraina tolki pačynaje prystasoŭvacca. «I na svaim vopycie dobra viedajem, što lubyja abmiežavańni — heta šaniec dla raskryćcia ŭnutranych reziervaŭ. Peŭnyja kroki ŭžo zrobleny».
Razam z tym jon adznačyŭ, što krainy Zachadu «bjuć pierš za ŭsio pa ekspartnych halinach biełaruskaj ekanomiki: naftachimija, mašynabudavańnie, kalijnaja halina i inšaje. Ale hałoŭnaja meta — pakinuć narod bieź piensij, zarobkaŭ, dapamoh, adukacyi, miedycynskaha absłuhoŭvańnia i vyklikać niezadavolenaść biełarusaŭ».
Taksama jon zajaviŭ, što Biełaruś trapiła ŭ epicentr cyvilizacyjnaha supraćstajańnia. «My nie zhuščajem farby, a kanstatujem fakt: ŭzdoŭž našych miežaŭ mietadyčna naroščvajecca nastupalnaja vajennaja infrastruktura NATO», — padkreśliŭ Łukašenka, dadaŭšy, što «adny zachodnija partniory šukajuć u nas svaje «histaryčnyja terytoryi, a inšyja bačać płacdarm dla novaha kidka na ŭschod».
Jon taksama zakranuŭ pytańnie rasijskich vajskovych baz i sumiesnych vučeńniaŭ:
«Prynamsi śmiešna heta ŭsio čuć. Kolki vučeńniaŭ jany praviali ŭ našych miežach? Jany nas krytykujuć: voś Łukašenka choča raźmiaścić rasijskija bazy na terytoryi Biełarusi. Słuchajcie, my ž nie parymsia z nahody taho, što jany stvaryli kuču hetych baz u Jeŭropie, ich ža mora tam, čaho vy nam pradjaŭlajecie pretenzii? Nikoli na ŭzroŭni prezidentaŭ pytańnie ab raźmiaščeńni rasijskich baz u Biełarusi nie abmiarkoŭvałasia. Pierš za ŭsio tamu, što ŭ hetym niama nijakaj nieabchodnaści pry sučasnych uzbrajeńniach».
Razam z tym Alaksandr Łukašenka zajaviŭ: «Kali treba budzie dla biaśpieki Sajuznaj dziaržavy, jakuju my budujem, dla biaśpieki Biełarusi i Rasii raźmiaścić tut usie ŭzbrojenyja siły z usimi vidami ŭzbrajeńniaŭ, jany buduć tut raźmieščany nieadkładna.
Ciapier u hetym niama nijakaj nieabchodnaści, u nas dosyć mocnyja, zhurtavanyja, kampaktnyja Uzbrojenyja Siły. Akramia «terytaryjałaŭ», my možam u patrebny momant u karotki pramiežak času 500 tysiač čałaviek pastavić pad ružžo, a heta ŭžo siła. Kali budzie mała, siudy buduć uviedzieny ŭsie Uzbrojenyja Siły Rasijskaj Fiederacyi. Takoha nikoli nie budzie. Ale kali treba, my razvažać nie budziem».
«Jašče raz paŭtaraju: u hetym siońnia niama absalutna nijakaj nieabchodnaści. U vostry pieryjad u žniŭni minułaha hoda, kali chtości vahaŭsia, chtości zdradziŭ, niechta pad plintus zalez, u kahości ŭ mazhach kipieła, ja nie ŭvioŭ nijakija ŭzbrojenyja siły, ni z Rasii, ni z Ukrainy, ni ź inšych krain. My z hetaj biadoj spravilisia sami. Voś maja pazicyja», — padsumavaŭ jon.
