«Siońnia daviedaŭsia, što pakul znachodžusia na hastrolach, jakija mnie ŭzhadnili jašče ŭ mai minułaha siezonu, mianie źniali z pastanoŭki «Samson i Daliła»», — piša jon.
U lipieni 30-hadovy Matvijenka staŭ absalutnym pieramožcam mižnarodnaha konkursu maładych dyryžoraŭ.
Z maja teatram kiruje Viačasłaŭ Harbuzaŭ, jaki siem hadoŭ pracavaŭ u BRSM, a da pryznačeńnia ŭ Minsk kiravaŭ bresckim dramteatram. Paśla prezidenckich vybaraŭ u Vialikim teatry adbylisia masavyja zvalnieńni artystaŭ i dyryžoraŭ, jakija vystupili suprać hvałtu.
Dźmitryj Matvijenka naradziŭsia ŭ 1990 hodzie. Vučyŭsia ŭ Sankt-Pieciarburhskaj kansiervatoryi, zatym u Maskoŭskaj kansiervatoryi, jakuju skončyŭ u 2017 pa śpiecyjalnaści «opierna-simfaničnaje dyryžyravańnie». Pieramožca mižnarodnaha konkursu maładych dyryžoraŭ im. Vitałsa ŭ Ryzie (2014). U 2012-13 pracavaŭ z choram MusicAeterna Piermskaha teatra opiery i baleta (mastacki kiraŭnik — Teador Kurentzis). Z 201 — pastajanny zaprošany dyryžor arkiestra «Maskoŭskaja instrumientalnaja kapeła». Supracoŭničaje z Kałužskim moładzievym simfaničnym arkiestram, Maskoŭskim kamiernym arkiestram Musica Viva, Rastoŭskim akademičnym simfaničnym arkiestram, arkiestrami Minskaha radyjo i TB, Maskoŭskaj kansiervatoryi, Opiernaha teatra Maskoŭskaj kansiervatoryi, ansamblem sučasnaj muzyki N'caged, Elektrateatram «Stanisłaŭski» i mižnarodnym dabračynnym fondam Uładzimira Śpivakova. Asistavaŭ Uładzimiru Juroŭskamu na repietycyjach śpiektakla «Zakachany djabał» u Muzyčnym teatry im. K. S. Stanisłaŭskaha i Uł. I. Niemiroviča-Dančanki.
