Anadolu
U minułuju subotu Erdahan abviaściŭ, što zahadaŭ Ministerstvu zamiežnych spraŭ abviaścić piersonami non hrata pasłoŭ Kanady, Francyi, Finlandyi, Danii, Hiermanii, Niderłandaŭ, Novaj Ziełandyi, Narviehii, Šviecyi i ZŠA, jakija raniej vystupili z zaklikam da Turcyi vyzvalić pravaabaroncu i fiłantropa Asmana Kavału, piša Bi-bi-si.
U paniadziełak ambasady ZŠA i inšych krain zajavili, što trymajucca artykuła 41 Vienskaj kanviencyi ab nieŭmiašańni va ŭnutranyja spravy inšych krain. Paśla hetaha turecki prezident zajaviŭ, što pasły «nadalej buduć bolš uvažlivyja i aściarožnyja ŭ svaich zajavach ab Turcyi».
«Zajavy hrupy pasłoŭ byli nakiravanyja niepasredna suprać našaj krainy i našaha suvierenitetu. Nichto nie zmoža zastavacca ŭ Turcyi, kali jon nie budzie pavažać našu krainu», — zajaviŭ Erdahan.
64-hadovy Asman Kavała — turecki biznesmien, fiłantrop i pravaabaronca. Ułady abvinavačvajuć jaho ŭ datyčnaści da sproby dziaržaŭnaha pieravarotu ŭ 2016 hodzie.
U lutym 2020 hoda Kavała byŭ apraŭdany sudom pa spravie ab pratestach 2013 hoda, ale na volu tak i nie vyjšaŭ.
