Jak paviedamiŭ pieršy namieśnik načalnika HUUS Minharvykankama, načalnik milicyi hramadskaj biaśpieki Ihar Pryščepski, milicyja praviała manitorynh sistem uvachodnaha kantrolu va ŭstanovach adukacyi Minska, pierš za ŭsio ŭ VNU i siarednija śpiecyjalnyja navučalnyja ŭstanovy.
Pryčym navat u tych ź ich, dzie ŭstalavanyja turnikiety, pracujuć videakamiery, supracoŭnikam orhanaŭ (nie ŭ formie) udavałasia bieśpieraškodna nie tolki traplać unutr ustanoŭ, ale i pranosić z saboj mulažy ahniastrelnaj zbroi.
U 38 budynkach VNU byli zroblenyja takija sproby, u 32 ź ich pradmiety byli praniesienyja bieśpieraškodna. U tym liku na 13 abjektach — makiety ahniastrelnaj zbroi.
«Možna choć sto kamier ustalavać i turnikietaŭ, ale pakul nie vypracavany ałharytm, natreniravany piersanał, efiektu nie budzie, — padsumavaŭ Raman Hałoŭčanka. — Tamu pa VNU i SSNU, jakija ŭ najbolšaj hrupie ryzyki, treba paŭtorna adpracavać. Kali paśla padobnych faktaŭ nie budzie naviedzieny paradak — tady prabačcie… Hetaha nichto nie zrazumieje».
