«My ŭsie śviedki taho, jak našy jeŭrapiejskija partniory braznuli žaleznaj zasłonaj, i heta niahledziačy na toje, što na praciahu ŭsiaho hetaha času my zaklikali ich biez emocyj razabracca ŭ sutnaści padziej, jakija adbyvajucca, zaŭsiody byli adkrytyja da dyjałohu i pieramovaŭ. Kali b u hrupy IKAO, jakaja pravodzić rasśledavańnie, była b choć adna niejkaja začepka ŭ častcy niejkich našych parušeńniaŭ pracedur i praviłaŭ, kalektyŭny Zachad daŭno b užo schapiŭsia za lubuju mahčymaść nas abvinavacić, i my b doŭha nie čakali dakładu, jaki ŭžo bolš za paŭhoda rychtujecca», — cytuje Arcioma Sikorskaha BiełTA.
«Razam z tym my adznačajem, što tema z samalotam Ryanair užo pierastała apraŭdvać sankcyi, tamu ŭźnikła novaja pahroza, jakaja zychodzić nibyta ad nas, — mihracyjny kryzis. My nieadnarazova paŭtarali, što nie my vinavatyja hetaha mihracyjnaha kryzisu i nastupstvy sapraŭdy treba šukać nie ŭ Minsku», — dadaŭ jon, zajaviŭšy, što avijakampanija «Biełavija», jak užo nieadnarazova zajaŭlałasia, nikoli nie ŭdzielničała ŭ niejkaj arhanizavanaj pieravozcy mihrantaŭ.
«Pramych sankcyj ni ŭ dačynieńni da «Biełavija», ni Nacyjanalnaha aeraporta ŭ ciapierašni čas niama. Razam z tym tyja straty, jakija źviazany ź nieabchodnaściu ablotu, a taksama taja vypuščanaja vyhada ŭ ramkach niepradumanych dziejańniaŭ našych jeŭrapiejskich partnioraŭ manietyzujucca. I ŭ adpaviedny čas adpaviednyja sudovyja pazovy buduć padadzienyja», — skazaŭ Sikorski.
Stračanuju vyhadu hramadzianskaj avijacyi Biełarusi z-za sankcyj Sikorski acaniŭ u $10 młn štomiesiac.
«Heta źviazana i z ablotam [Biełarusi inšymi avijakampanijami], i sa strataj rynku», — skazaŭ Sikorski. Jon udakładniŭ, što razmova idzie ab stratach hramadzianskaj avijacyi ŭ cełym.
Biełaruś płanuje padać iski ŭ mižnarodnyja sudy z-za strat u vyniku sankcyj. «Pramych sankcyj ni ŭ dačynieńni da »Biełavija«, ni da Nacyjanalnaha aeraporta ciapier niama. Razam z tym tyja straty, jakija źviazany ź nieabchodnaściu ablotu, a taksama taja stračanaja vyhada ŭ ramkach niepradumanych dziejańniaŭ našych jeŭrapiejskich partnioraŭ manietyzujucca. I ŭ adpaviedny čas adpaviednyja sudovyja iski buduć padadzieny», — skazaŭ Arciom Sikorski.
Sikorski paćvierdziŭ, što «Biełaeranavihacyju» chočuć adklučyć ad hłabalnaj sistemy avijadanych.
Jon bačyć vyjście ŭ tym, što kampanii buduć pracavać naŭprost z padsankcyjnaj «Biełaeranavihacyjaj».
«My prapanujem kampanijam pracavać naŭprost praz «Biełaeranavihacyju». Kali raniej my pracavali praz našych jeŭrapiejskich partnioraŭ, to ciapier heta budzie rabota napramuju praz «Biełaeranavihacyju». Istotna dla avijakampanij ničoha nie źmienicca», — ličyć jon.
«Čornaja plama na karcie»: što budzie ź biełaruskaj avijacyjaj biez aeranavihacyi ES?
